Casas de Antonio Tenreiro
Esta mesma tarde abre as súas portas no Museo de Belas Artes da Coruña Antonio Tenreiro 1923-2006. A exposición, coa que o centro repasa a obra deste pintor, falecido en 2006, poderá verse ata o vindeiro mes de novembro. Na mesma poderá verse unha ampla selección de obras que afondan no universo poético e intimista deste creador, no que predomina un estilo fauvista no que a cor cobra unha grande importancia. Tenreiro é coñecido tamén pola súa faceta arquitectónica, na que desenvolveu obras icónicas como a fonte das Paxariñas, na Coruña.
