Marta Pérez obtén o premio de teatro Maruxa Villanueva

A interpretación que realizou na obra Té con Kant, de Inversa Teatro, valeulle á actriz Marta Pérez facerse co XIV Premio de Teatro Maruxa Villanueva. O xurado, composto por Inma López Silva, Afonso Becerra, Carlos Biscainho e Roberto Pascual recoñeceu a "conxugación do didactismo co carácter lúdico, así como a igualdade como dereito e aspiración" no traballo da artista e da montaxe. O galardón está dotado con 1200 euros, un diploma acreditativo e un busto de bronce de Maruxa Villanueva.