González del Blanco e a fotografía dos premios Ksado no Museo do Pobo

Roberto González del Blanco foi un recoñecido pintor do século XX. Natural de León, integrouse plenamente na sociedade galega. A mostra que se poderá visitar no Museo do Pobo Galego ata o 8 de marzo contempla moitos dos debuxos, gravados, ilustracións para libros e mesmo vidreiras. Ao mesmo tempo, o 17 de febreiro rematará a mostra antolóxica, tamén acollida no Museo do Pobo, dos premios Luis Ksado de fotografía convocados pola Deputación da Coruña. A mostra é unha boa oportunidade para ver as instantáneas que foron recoñecidas no premio entre o ano 1997 e 2012.