Calendarios e debates para a normalización lingüística

Melide, Toques, Santiso e Palas de Rei presentaron onte a campaña conxunta de catro concellos da Rede de Dinamización Lingüística na promoción do uso do galego "Terras de Melide e A Ulloa. Antes e agora en galego". A campaña consiste na edición de 500 calendarios do patrimonoi medieval artístico e lingüístico da zona. Por outra banda, oito concellos do país, a través dos seus Servizos de Normalización Lingüística, conformaron por cuarto ano un Clube de Debate para incentivar a oratoria e o uso do galego oral. O concurso reunirá a máis de 200 rapaces de 16 centros de ensino de Ames, O Carballiño, Carballo, Ferrol, Negreira, Pontevedra, Rois, Santiago de Compostela e Teo. A final será o 26 de abril en Carballo e o tema será "Herdamos o galego, temos que transmitilo".