A Xunta convoca bolsas de formación sobre patrimonio moble

A Xunta procedeu á convocatoria de bolsas de formación en materia de patrimonio moble galego, en museos propios e xestionados pola Consellería de Cultura. Poden concorrer á modalidade de restauración os diplomados en conservación e restauración de bens culturais nas especialidades de arqueoloxía, pintura e escultura e na modalidade de documentación licenciados en Historia ou Antropoloxía, Arqueoloxía ou Historia da Arte. Convócanse oito bolsas cun importe total cada unha de cinco mil setecentos cincuenta euros.