Segue ao vivo as xornadas sobre Camus do Consello da Cultura Galega

Cun destacado éxito de asistencia abrían esta mañá na sede do Consello da Cultura Galega en Compostela as xornadas que esta institución lle dedica Albert Camus. A relación entre o pensamento de Camus e de Bataille, a visión sobre a pena de morte e mais a relación entre escrita e filosofía no autor abriron esta primeira sesión a cargo de especialistas como Arturo Leyte, Miguel Morey e Alberto Moreiras. As xornadas continúan esta tarde e ao longo de todo o día de mañá con retransmisión ao vivo vía web e a abordar cuestións como o desencontro con Sartre, o resentimento neste autor ou as pegadas de Camus no noso país, con intervencións como as de Xesús Alonso Montero, Bieito Iglesias ou Rosa Rodríguez Magda, entre outros.