O legado escultórico que deixou Roma na Península Ibérica. Este é o eixe do VII Reunión de Escultura Romana en Hispania que acolle desde esta mañá o Consello da Cultura. Corenta especialistas de universidades europeas participan no evento, que se prolongará esta tarde e continuará mañá cunha xornada no Vicerreitoría de Coordinación e Planificación da USC de Lugo. O día 6 o Consello acollerá de novo o peche das xornadas. Entre outras cuestións abórdanse estudos sobre pezas específicas canda a cuestións relacionadas co noso país, como os relatorios La Exposición Regional Gallega de 1909: R. Blanco-Cicerón y la pástica galaico-romana, de F. Acuña Castroviejo e R. Casal García ou Las primeras muestras de escultura romano-galaica: simbiosis entre indigenismo y clasicismo, de A. Rodríguez Colmenero. O encontro celébrase en memoria do profesor Alberto Balil Illana, catedrático de Aqueoloxía da USC que foi principal promotor da disciplina no seo da institución.
