Analizarase a súa figura e a pegada que deixou en Galicia entre os días 3 e 3 de decembro

A sección de Pensamento e Sociedade do Consello da Cultura Galega organiza para os vindeiros 3 e 4 de decembro unhas xornadas sobre a figura e o traballo do pensador por excelencia do existencialismo, Albert Camus. A vixencia do seu pensamento, o seu vencello coa mobilización política ou a pegada que deixou en Galicia serán cuestións que se abordarán no encontro. Germán Cano, da Universidade de Alcalá de Henares, Miguel Morey da Universitat de Barcelona, Alberto Moreiras da Texas A&M University ou Arturo Leyte da Universidade de Vigo son algúns dos relatores destas xornadas.

Pola súa banda, Xesús Alonso Montero, Bieito Iglesias, Damian Villalaín e Carlos Fernández abordarán diferentes aspectos sobre pegada que o pensamento de Camus ten deixado na cultura e na literatura galega.

Programa das xornadas Albert Camus.