Pontevedra recibe un premio da ONU sobre desenvolvemento urbano e humano

A cidade de Pontevedra continúa recibindo premios internacionais ao modelo urbanístico e social da cidade. Desta volta, obtivo o Premio Dubai 2014 que galardoa as "mellores prácticas para mellorar as condicións de vida". O premio foi concedido a Pontevedra canda cinco actuacións institucionais, dúas universitarias, dúas de transferencia de experiencia e unha de carácter persoal. O importe do galardón é de 30.000 euros.