A Solaina de Piloño premiada como proxecto máis anovador da provincia

O Proxecto Cultural máis Innovador e Vangardista da provincia de Pontevedra é o que desenvolve a Fundación Casa Museo A Solaina de Piloño en Vila de Cruces. Así o recoñeceu a deputación de pontevedra ao lle entregar o galardón nesa categoría dentro dos Premios Provinciais á Cultura deste ano. Canda esta iniciativa, o ente provincial outorgoulle o galardón á Traxectoria Cultural á Agrupación de centros deportivos e culturais de Vigo. O premio César Dios Diosiño foi para a Escola de Danza Perla de Arousa e o de Protección ou Recuperación do Patrimonio Público para o Concello de Campo Lameiro polo seu traballo na recuperación de petróglifos. Cada un dos galardóns está dotado con 6.000 euros de premio.