A Deputación de Pontevedra crea uns certames para premiar o labor cultural

Desenvolver un traballo a prol da cultura na provincia de Pontevedra ten premio. Así o acaba de aprobar a Deputación, que destinará 36.000 euros en catro galardóns que recoñecerán: o proxecto cultural máis innovador a cargo de asociacións ou fundacións sen ánimo de lucro; a traxectoria desenvolvida por un colectivo provincial ó longo da súa historia; o labor levado a cabo por solistas ou agrupacións musicais da provincia en defensa da música popular e o traballo de concellos, mancomunidades ou agrupacións municipais na protección ou recuperación do patrimonio público arquitectónico.