Zona afectada. Foto: ESCR
As obras para o deslinde dos montes comunais de Piñeiró, Cazón e Abuíme están a provocar graves danos nos perímetros de protección das alomenos dez mámoas que conforman a necrópole megalítica da Costa do San Antonio. As pistas e a remoción de terras afecta, cando menos, a seis das mámoas e nalgún caso as gabias pasan a vinte metros de algunha, puidendo afectar a elementos arqueolóxicos soterrados. As obras foron denunciadas por alumnos da Escola Superior de Conservación e Restauración de Galicia e os feitos están a ser investigados polo Servizo de Patrimonio Cultural da Xunta e a policía.
