Ana Romaní, directora do Diario Cultural. Fonte: CRTVG
Con 361 votos, o programa Diario Cultural da Radio Galega obtiña onte o Premio do Público de Culturgal. Os votantes da Feira Galega das Industrias Culturais seleccionaron este proxecto como a mellor iniciativa do ano. Os outros dous finalistas foron o festival Cineuropa, que obtivo 269 votos e mais o salón de banda deseñada Viñetas desde o Atlántico que recibiu 171 apoios. A iniciativa gañadora recibirá o vindeiro 7 de decembro o diploma acreditativo desta distinción.
