Dous ourensáns viron recoñecida onte a súa valía literaria. Fernando Epelde gañou o premio Premio SGAE de Teatro Jardiel Poncela coa súa obra Drone. O traballo, que contrasta a experiencia dun artista local coa feira ARCO, fai unha crítica ao mundo da arte actual. Epelde, que xa se fixera con este galardón en 2012, levará 8.000 euros en metálico e verá a súa obra publicada e representada no ciclo de lecturas dramatizadas que organiza a SGAE. Pola súa banda, outro ourensán, Miguel Mosquera, resultou vencedor no premio Nuevos Talentos de Novela con Chihuahua, unha obra ambientada entre España e México e que aborda temas como a corrupción
