O estudo "Inserción laboral de los estudiantes universitarios", elaborado polo Ministerio de Educación en colaboración cos Consellos Sociais universitarios, presentouse esta semana e non son datos bos para a educación galega. Neste caso, entre as setenta con maior porcentaxe de titulados con traballo tan só se sitúa unha galega: Enxeñería Informática, na Universidade de Vigo, no posto 39º e co 90,5% dos seus titulados afiliados á Seguridade Social aos catro anos de licenciarse. Entre este escuro panorama, é especialmente preocupante a posición de Filoloxía Galega, que é a sétima peor carreira para atopar traballo en todo o Estado.
