Estudantes de Educación Social promoven un manifesto a favor do galego

Case 70 alumnos de Educación Social da Facultade de CC. da Educación da Universidade de Santiago deron onte lectura, na Casa de Rosalía de Padrón, a un manifesto que elaboraron baixo a titoría do profesor Antón Costa. No texto os alumnos amosan a súa proecupación "polo presente e o futuro do galego" e afirman descoñecer a existencia dun Plan de Normalización Lingüística activo desde hai dez anos. Os estudantes, de primeiro curso, advirten que segue a haber "abundancia de estereotipos sociais e lingüísticos ao redor da lingua galega". Os estudantes tamén afirman descoñecer se se "están a emprender medidas adecuadas e favorables á causa do galego" por parte das Administracións.