Para o vindeiro 17 de setembro está previto que saia á venda a banda deseñada Vida de madre. La primavera. Gemma Sesar ao guión e Ramón Marcos aos lapis asinan a segunda entrega desta serie na que se contan as peripecias dunha familia actual con dous fillos e unha intensa vida profesional. El Patito Editorial edita o volume, que contará con 72 páxinas a toda cor e un prezo de venda de 18 euros. A editora anuncia tamén a vindeira publicación da versión en banda deseñada da novela Cidade de cristal de Paul Auster, unha adaptación que asinan Paul Karasik e David Mazzucchelli e que Xavier Queipo traduce ao galego.
