Cinco historias curtas do autor neozelandés Dylan Horrocks, inéditas até o de agora en calquera lingua diferente do inglés compoñen
Cómics desde Hicksville. Estaleiro Editora debuta na banda deseñada coa tradución para o galego en normativa AGAL, deste volume que recolle traballos realizados polo autor ao longo dos últimos 20 anos e nos que se pode aprezar a súa evolución creativa. Con tradución a cargo de MarÃa Rosendo e limiar de Xaime Lis Carreira, a obra preséntase mañá, mercores seis, ás 19 horas no marco do Salón Viñetas desde o Atlántico e está á venda por 12 euros. Horrocks foi galardoado co premio Eisner en 2002 e é o máis recoñecido dos autores neozelandeses.
