Capa de Pictodiario, de Urbanoscar
O colectivo Polaqia acaba de presentar as súas novidades para o vindeiro mes de agosto. Entre elas está número 15 de Barsowia, que conta con colaboracións de autores como David Rubín, Manuel Cráneo, Martín Romero, Dylan Horrocks, Hugo Covelo, Kike Benlloch ou Brais Rodríguez entre outros. Canda a isto, preséntase o cuarto número da colección de sketchbooks, dedicado nesta ocasión a José Domingo. Finalmente, a asociación publica Pictodiario, primeira obra de Urbanoscar que recompila as historias curtas publicadas no blog do mesmo nome.
