O Casco Histórico de Compostela e mais o Camiño de Santiago, xa declarados Patrimonio da Humanidade pola UNESCO, contan agora coa declaración de Valor Universal Excepcional. Esta declaración, que se realizou de xeito previo a todos os recoñecementos da UNESCO logo de 2007, aprobouse de xeito retroactivo para os bens que obtiveran a declaración anteriormente. O cumio da UNESCO en Doha, Qatar, serviu para recoñece con este título 127 espazos que aínda carecían del, entre eles os dous vencellados a Galicia.
Na declaración, a UNESCO destaca o estado de conservación do casco vello compostelán e a importancia do conxunto monumental, así como a dimensión social do Camiño de Santiago e o traballo de recuperación da ruta que se está a desenvolver nas últimas décadas.
