O Consello do Patrimonio Histórico Español aprobou elevar á UNESCO a candidatura dos Camiños de Santiago do Norte para a súa declaración como Patrimonio da Humanidade en 2013. A proposta, que se presentará como unha ampliación do recoñecemento que xa posúe o Camiño Francés, inclúe tanto o Camiño Primitivo como o Camiño Costeiro daquelas rutas que pasan pola nosa comunidade. O dosier sobre a proposta está a ser preparado polas seis comunidades polas que transcorren as rutas desde 2006. O organismo estatal non tivo en conta ningunha outra candidatura con participación galega nas propostas para Patrimonio da Humanidade ou Patrimonio Inmaterial.
