Icomos alerta do impacto dun parque eólico sobre o Camiño de Santiago

O impacto visual do parque eólico que está previsto construír na Serra do Iribio pode afectar á declaración do Camiño de Santiago como Patrimonio da Humanidade. Representantes do Icomos, organismo asesor da UNESCO en cuestións de patrimonio, visitaron esta fin de semana os concellos de Pedrafita do Cebreiro, Triacastela e O Courel e sinalaron que se debería impedir a instalación do parque polo xeito no que afectaría á Rota Xacobea. O organismo realizará agora un informe sobre o caso que lle remitirá á UNESCO e mais ás autoridades galegas.