Icomos rexeita a proposta dun teleférico á Cidade da Cultura

O proxecto de facer un teleférico que una o casco urbano de Compostela co monte Gaiás foi considerada "inapropiada" por ICOMOS España, organismo asesor da UNESCO en materia de patrimonio. O informe desta entidade critica o impacto visual da proposta ao tempo que ataca o proxecto da Cidade da Cultura, ao considerar que "está lonxe de contar cun proxecto cultural sólido". Esta non é a primeira vez que ICOMOS actúa no noso país. A inspección de diferentes propostas a Patrimonio da Humanidade ou os seus informes sobre o Auditorio de Lugo achegaron este organismo á nosa actualidade cultural nos últimos anos. Coñece as súas actuacións no noso dosier.