O Icomos súmase ás denuncias sobre a situación do Camiño de Santiago

O Consello Internacional de Monumentos e Sitios (Icomos), sumouse ás denuncias que se están a suceder ao longo do último mes sobre a situación do Camiño de Santiago. O organismo internacional faise eco así da reclamación presentada pola Asociación de Amigos do Camiño, que lle solicitou á UNESCO a inclusión do roteiro na lista de bens patrimoniais en perigo. Entre as diferentes agresións que sufre este ben, ICOMOS destaca en Galicia o polígono do Pino, o proxecto do teleférico ao monte Gaiás, en Compostela, ou a construción de barracóns no Monte do Gozo.