Montaña en sombra un vídeo de catorce minutos é o traballo co que Lois Patiño obtiña onte o premio da 13ª Mostra Internacional Gas Natural Fenosa, dotado con 15.000 euros. Canda a el, foron galardoados Iñaki Gracenea por Cahiers des fleurs-jax e José Ramón Ais pola composición Parque Natural 2. En paralelo, o Concello da Coruña seleccionou para o premio Julián Trincado ao mellor autor galego a Álvaro Negro, que recibirá 6.750 euros por Estela II.
A coincidir con este fallo, o Museo de Arte Contemporánea da Coruña abría as portas da nova xeira da mostra, na que se poden ver ata o vindeiro mes de outubro 50 traballos dos 602 que participaron este ano na convocatoria. A coincidir cos 25 anos da mostra, a organización enregará tamén un galardón ao mellor artista galego en activo.
