Desde El Vomitorio, de Santiago Talavera.
Desde onte e ata o vindeiro 28 de outubro o Museo de Arte Contemporánea Unión Fenosa acolle a exposición 12 Mostra Internacional de Arte Gas Natural Fenosa. O conselleiro de Cultura Xesús Vázquez entregaba onte os galardóns do certame, que gañou Santiago Talavera coa obra Desde El Vomitorio, que lle valeu 18.000 euros. S/T (Libros), de Olmo Cuña e Retrato Escénico de Javier Núñez Gasco completan a lista de premiados. Na mostra poderán verse traballos de medio cento de creadores.
