Sempre Galicia no teu peto

Co gallo do 70 aniversario da edición do Sempre en Galiza, o CCG e a Editorial Galaxia prepararon unha app que permite coñecer en profundidade o libro de Castelao, ver a análise que del fixeron especialistas e explorar ata as propias imaxes que se conservan do político e artista galego.

O Consello da Cultura Galega, en coedición coa Editorial Galaxia e coa colaboración do Parlamento de Galicia e da Univesidade de Santiago de Compostela, preparou unha app que xa podes descargar na súa versión para Android e que proximamente estará tamén dispoñible para iOS.

A aplicación permite ler o Sempre en Galiza comodamente, pero ademáis, inclúe artigos da gran edición crítica elaborada polo Parlamento da man de destacados especialistas como Ramón Máiz, Henrique Monteagudo ou Xusto Beramendi, entre outros, que permiten entender mellor a xénese e o significado desta obra de Castelao, posiblemente o seu testamento vital e político.

Como descargar

Como a aplicación aínda non está na Google Play Store, podes baixala sen entrar na tenda. Tes que habilitar no teu dispositivo Android o "Permitir Instalación desde fóra da tenda".