Vilanova de Arousa organiza un encontro con Stratford para coñecer o xeito en que explota a figura de Shakespeare

O concellos de Vilanova de Arousa e o de Stratford, no Reino Unido, están a realizar un intercambio para coñecer o xeito en que aproveitan turisticamente a súa condición de orixe de escritores famosos. Mentres Stratford conta cunha florecente industria turística baseada en Shakespeare, Vilanova quere publicitarse como berce de Valle-Inclán. O alcalde da vila arousá sinalou onte que “xa copiamos moitas cousas de Stratford e aínda copiaremos moitas outras”. A mediados de marzo unha delegación galega visitará o concello inglés.