Falece Cristina Novoa Pedreira, presidenta da Fundación Isla Couto

Viúva de Xaime Isla Couto e presidenta da Fundación Isla Couto, Cristina Novoa Pedreira falecía onte no seu domicilio de Vigo. Nada en 1922 e licenciada en Filosofía e Letras, participou activamente no traballo administrativo dos primeiros anos da Editorial Galaxia e mais na fundación do seu home. O enterro terá lugar ás 17,30 no cemiterio de Pereiró e o funeral ás 19 horas na Igrexa dos Apóstolos na rúa Marqués de Valadares de Vigo.