Os tesouros que están no tempo

Baixo o título de "Tesouros do tempo", o concello de Pontevedra presentou un web no que se cataloga e difunde o patrimonio do estenso concello de Pontevedra, que inclúe a numerosas parroquias rurais. Cun catálogo e unha proposta de roteiros para percorrer o rico patrimonio artístico e etnográfico, "Tesouros do tempo" aspira tamén a preservar o patrimonio inmaterial.

O web Tesouros do Tempo está promovido pola Concellaría de Patrimonio Histórico do Concello de Pontevedra e naceu ao abeiro do Plan de patrimonio rural posto en marcha pola institución en xullo e 2012. O web defínese como un "repertorio incompleto dos bens patrimoniais de Pontevedra", en referencia ao carácter aberto e en crecemento do sitio. Os bens están estruturados en catro categorías: arqueolóxicos, etnográficos, arquitectónicos e infraestruturas, e agardan incluír no futuro tamén patrimonio inmaterial.

A sección contempla dezaseis propostas para percorrer o patrimonio ao redor de tres temas: sendas naturais, roteiros urbanos e roteiros nas parroquias. Unha área de novas completa o proxecto, centradas na propia información da recuperación da memoria pontevedresa.