Localizan unha praza pública enlousada no castro de Elviña

Fidel Méndez, o arqueólogo director do castro de Elviña, explicou nunha entrevista a La Opinión algúns dos resultados da campaña 2013 no castro coruñés de Elviña. Méndez suliñou que o castro era un oppidum, unha cabeceira comarcal, e entre os principais achados están o de dous torreóns monumentais na muralla que dan acceso a unha praza pública enlousada, un elemento pouco habitual na cultura galaica, e que se pode atopar en castros coma o asturiano do Chao Sanmartín. Tamén atoparon un cruce de camiños interior e unha área metalúrxica.