”Biblos” é o nome do club de lectores que acada de poñer en marcha o escritor e xornalista Tucho Calvo. A iniciativa, semellante ás existentes noutros países, coma o Círculo de Lectores español, consiste en ofertar a domicilio libros a bo prezo mediante unha revista. Pola súa banda, os socios deberán achegar unha cota anual de quince euros e adquirir sete libros ao ano de entre os trescentos títulos galegos e os cen portugueses que ofrece o catálogo. A publicación bimestral recollerá tamén información sobre o mundo da literatura galega. Esta proposta pioneira presentarase publicamente o vindeiro sábado.
Máis información na
edición de hoxe de El Progreso