Fernando García Correa. Sombra de Bosque (L), 2010. Fonte: MARCO
O pasado venres abría as súas portas a nova proposta expositiva do Museo de Arte Contemporánea (MARCO) de Vigo. Eidos da imaxe. Grafías dos feitos e do pensamento, coproducida polo Museo coa Universidade de Vigo, explora "como artistas e investigadores comparten a necesidade de obter resolucións gráficas e figurativas dos acontecementos ou dos feitos físicos do mundo". O proxecto, comisariado por Alberto Ruíz de Samaniego pon en diálogo traballos de grupos de investigación da universidade, de estudantes de Belas Artes e de creadores invitados, a amosar "nun plano de igualdade os seus procesos de investigación en torno ás imaxes".
