91 maneiras de entender a arte

Juan Ruiz Moraza, Xosé Freixanes, Menchu Lamas, Antón Patiño, Ana Soler, Maribel Domeneq…así ata un total de 91 artistas explicando que é o que entenden por arte. Todo isto en formato de dicionario, con entradas por autores, imaxes e textos. O resultado é o Arte: diccionario ilustrado que editou o grupo de investigación “Modos de coñecemento artístico” da Facultade de Belas Artes da Universidade de Vigo (á enda en librarías por 28 euros). Catrocentas páxinas que para o profesor Juan Fernando de Laiglesia “explica a arte contemporánea na voz dos propios artistas en dúas claves: co seu texto escrito e coa súa propia obra”.

Chámase Arte: diccionario ilustrado e o seu nome non é casual. “Queríamos que fose un aceno á ilustración como século da razón, onde os mapas eran tan importantes como a totalidade do mundo” explica o propio Juan Fernando de La Iglesia, profesor e membro do integrante que explica a intención última do texto: saber que entenden por arte os creadores actuais. En 1.500 caracteres e varias imaxes, os editores pedíronlle a un centenar de creadores que responderán á pregunta “Que é a arte?”. Durante dous anos de traballo noventa e un creadores ofreceran unha versión persoal a esta pregunta que agora ten formato de dicionario.