A unha semana de completar o seu proxecto de crowdfunding na plataforma Verkami, o Festival Primavera de Vigo confirma que se celebrará nas datas previas. Malia a non obter polo momento os 2.100 solicitados, a organización adianta que a terceira edición deste evento centrado en curtametraxes, longametraxes e videoclips se desenvolverá entre o 4 o 8 de xuño. No programa, destacan as estreas en Galicia das producións Blockbuster e El rayo ou da curtametraxe Tupper, recentemente premiadas en Cans.
En total proxectaranse sete longa metraxes, 14 curtas e 13 videoclips das máis de 200 producións recibias. Os organizadores, no entanto, sinalan que non será posible manter esta cita en vindeiros se non acadan novos apoios económicos.
