Presentan o proxecto Gaelaico para investigar as relacións lingüísticas entre os países atlánticos

Cando os galaicos da Idade do Ferro comezaron a escribir, trala conquista romana, fixérono en latín. Da súa lingua só nos quedan as palabras que escribiron nas inscricións latinas, pero tamén un certo número de palabras que chegaron ao galego actual. A través da lingüística comparada, estes investigadores procuran as conexións entre o galego e as linguas célticas das Illas Británicas. Entre os investigadores están James J. Duran, doutor en Lingüística pola Universidade de Stanford, Alberto Lago, historiador e Henrique Egea Lapina, filólogo clásico.