Henrique Monteagudo: “Moitas veces esquecémonos de lexitimar e de explicar as políticas encol do galego”

As razóns do galego. Apelo á cidadanía é o título do traballo que acaba de tirar do prelo o filólogo Henrique Monteagudo. Na obra, recolle un conxunto de textos que analizan a necesidade de levar de volta ao corpo social o debate sobre a lingua, unha cuestión que, ao seu ver, ficara nos últimos anos confinada a debates políticos e lingüísticos. O autor explícanos como contempla a situación actual encol da lingua e as posibilidades que hai de achegar cuestión lingüística ao conxunto da sociedade.