Xapón protagoniza a vindeira edición do S8

O cinema xaponés protagonizará a nova edición S8, a mostra de cinema periférico que se celebrará na Coruña entre o 4 e o 8 de xuño. A presenza de creadores como Takahiko Iimura ou Daïchi Saïto completarase con obradoiros ou proxeccións nas que se prestará unha especial atención ao cinema mudo nipón. No programa inclúese a primeira representación en Galicia de Katsuben-Benshi, un xeito de narración sobre cinema mudo propio do Xapón.

Pola súa banda, o Festival Olloboi remata mañá as votacións para seleccionar o premio do público entre as 116 propostas recibidas. Este evento, organizado pola Asociación Marearte pretende apoiar a canteira do cinema galego, e recibiu 92 propostas de centros educativos. O vindeiro 23 de maio celebrarase en Boiro a gala de entrega de galardóns, entre os cales o xurado seleccionará sete que se sumarán ao premio do público.

En paralelo, o Festival Curtocircuíto anunciaba onte a apertura do prazo para presentar traballos á súa nova edición. Compostela acollerá entre os vindeiros seis e 11 de outubro da undécima edición deste evento centrado nas producións de pequeno formato.