Os traballos de restauración das torres da Catedral de Santiago acaban de recibir un importante impulso. Un convenio do Consorcio de Santiago coa Fundación Catedral achegará un total de 1.427.379 euros a estas obras. Nas últimas semanas detectáronse novos problemas no estado destes elementos por mor de restauracións incorrectas realizadas no pasado sobre o conxunto que dificultan o proceso de recuperación. O director da Fundación Catedral, Daniel Lorenzo, denunciou recentemente as dificultades que está a ter a entidade para reunir os fondos necesarios con que abordar a restauración da fachada do templo.
