Narón acolle a estrea dunha obra que adapta Macbeth a Galicia

As similitudes entre Galicia e Escocia permítenlle a Juan Cavestany e Andrés Lima para revisar Macbeth e adaptalo ao noso contexto. O resultado é Os Macbez, onde Dunsinane é Santiago de Compostela e un ambicioso matrimonio (intepretado por Javier Gutiérrez e Carmen Machi) loita polo poder na Xunta. Esta adaptación do clásico de Shakespeare, que conta coa participación da actriz galega Rebeca Montero, estréase hoxe en Narón e chegará a finais de abril ao Centro Dramático Nacional.

O madrileño Andrés Lima codirixe unha obra en Galicia case dous anos despois de que o Centro Dramático Galego anunciara a súa participación en As furias. O proxecto consistía en catro pezas breves do dramaturgo norteamericano Neil LaBute que se suspendeu tralo cese de Blanca Cendán como directora da unidade de produción teatral de Agadic.