O concello de Santiago potencia o seu programa de artes escénicas e danza

“Ademais do teatro galego, atendemos a outra demanda da cidadanía que é a de ver o mellor que se está a facer fóra”. Socorro García Conde, concelleira de Cultura de Santiago, resumía así as liñas de actuación do programa Teatro e danza en xira que acaba de arrincar en Santiago. Grandes producións (Centro Dramático Nacional presenta unha obra de Chejov adaptada por Juan Mayorga con 19 intérpretes no escenario), obras experimentais (compañía Man Drake-Tomero Vergués), con monólogos (Sergi Lopez e o seu "Non solum). Ademais, o cartel que se repartirá entre o Teatro Principal e o Auditorio de Galicia achegará nomes coñecidos de compañias (Centro Dramático Nacional e Teatro de la Abadía), xunto con actores populares como Sergi López, Carmen Machi, Blanca Oteyza e José Luis Gómez. A programación espállase ao longo de todo o ano con espectáculos todos os meses (e con varias funcións).