Viravolta leva Mozart aos títeres

Adaptar aos títeres unha ópera de Mozart con acompañamento musical ao vivo. Esta é a proposta que vai a Títeres Viravolta con A frauta máxica, a montaxe que estrea este domingo 16 no Salón Teatro de Lalín. O proxecto, que naceu dunha colaboración co Conservatorio de Pontevedra estrea agora a súa montaxe definitiva. A obra represéntase acompañada por música ao vivo, que na estrea irá a cargo de Quidam trío. A obra poderá verse na capital do Deza tamén o día 17, e continuará a súa xira por Compostela os días 28, 29 e 30, co acompañamento da Banda Municipal.