A inmediatez é unha das claves do traballo de José Luis Torrico. E sobre ese concepto afonda a exposición "Mozas, amigos e cans" de José Luis Torrico comisariada por Ignacio Pérez-Jofre, que abre unha nova exposición do proxecto Alterarte. A mostra inaugúrase esta tarde e Torrico realizará retratos daqueles asistentes que acudan á inauguración e queiran posar (eles ou os seu cans). Esta exposición pivota sobre tres eixes: dunha banda os cans, que se insire na defensa activa que o artista realiza dos animais. Doutra, os amigos, un tema recorrente do seu traballo e que se pode apreciar nos retratos que fai. E, por último, as mozas, a fascinación que o creador amosa polo corpo das mulleres que converte o erotismo nun motor do seu traballo.
