Beowulf, o traballo que o ourensán David Rubín debuxou sobre guión de Santiago García opta a un dos galardóns do Saló del Còmic de Barcelona. A obra compite con outras once na categoría Mellor obra de autor español editada en España en 2013, unha das catro con que contan os premios, e que está dotada con 10.000 euros. Os galardóns, nos que non hai máis representación galega, están considerados os máis importantes da novena arte no Estado e que se darán a coñecer a coincidir co 32 Saló del Còmic, entre o 15 e o 18 de maio.
