David Rubín e Miguelanxo Prado optan aos Premios da Crítica de Cómic

Beowulf, a obra que asina canda ao guionista Santiago García, valeulle a David Rubín dúas candidaturas aos Premios da Crítica de Cómic. A novela gráfica opta ao galardón á Mellor Obra Nacional mentres o ourensán é finalista na categoría de mellor debuxante nacional. Pola súa banda, Miguelanxo Prado é candidato a recibir o premio a toda unha carreira dun autor nacional. Un total de 17 investigadores e críticos do sector da BD estatal son os responsables da selección cos seus votos. O resultado dos premios coñecerase o vindeiro sábado 13 de setembro con ocasión da clausura das Xornadas de Cómic de Avilés.