Cultura e Internet. Estas son as dúas partes que analiza “A mediación cultural da rede”, un seminario organizado polo Consello da Cultura Galega e que se desenvolve mañá, mércores 12 de marzo na sede da institución. Unha xornada na que se exporán novos productos culturais especializados que toman a web como soporte de difusión. Letra en obras, Disque Cool, Desconcierto, Empuje e M son algúns dos proxectos de comunicación que se exporán, en contrapunto de experiencias en papel que desenvolven os medios tradicionais como El Correo Gallego , La Voz de Galicia ou El Progreso.
