Unhas xornadas analizan as posibilidades da información cultural

O panorama e os desafíos do xornalismo cultural, as experiencias de información cultural na rede e as experiencias dos profesionais que traballan habitualmente nesta materia son os temas que se abordarán nas Xornadas Comunicar Cultura. Un encontro organizado polo Consello da Cultura Galega e que se desenvolve na sede desta institución os días 20, 21 e 29 de abril. Ademais dos xornalistas galegos, destaca a presenza de Jesús Martín Barbero, Profesor da Universidad Javeriana de Bogotá, membro do Consejo Nacional de Cultura de Colombia, e Jacques Guyot, da Universidade de Paris 8 que falará das políticas culturais en Europa e información cultural.