Comezan as xornadas Comunicar cultura

Cunha masiva afluencia, o Consello da Cultura Galega abría esta mañá as xornadas Comunicar cultura. O evento comezou cunha intervención do coñecido xornalista Ramón Lobo, de El País, que fixo unha panorámica do xornalismo cultural e analizou os seus retos. Canda a el, ao longo do día de hoxe e mais de mañá se presentarán experiencias de diferentes medios de radio, prensa e Internet encol desta cuestión. O encontro finalizará o vindeiro 29 de abril cunha conferencia sobre diversidade cultural e cultura dixital a cargo de Jesús Martín Barbero.