O Consello da Cultura analizará os desafíos do xornalismo cultural

Os vindeiros 20, 21 e 29 de abril, o Consello da Cultura acollerá as xornadas Comunicar cultura, que organiza o Arquivo da Comunicación. O evento pretende analizar o panorama e mais os desafíos no campo do xornalismo cultural, e ao longo do mesmo exporanse diferentes experiencias neste campo tanto desde a rede e a prensa escrita como mediante os medios audiovisuais e os gabinetes de comunicación. As xornadas fechan o día 29 coa conferencia Diversidade cultural e converxencia dixital a cargo de Jesús Martín Barbero, profesor da Universidade Javierana de Bogotá.