A Xunta reclamará por lei a documentación relativa a Galicia que figura noutros arquivos do Estado, e cando non sexa posible obter os orixinais, solicitará copia. Son fondos dos mosteiros galegos desamortizados, entre os que se conta a documentación do Mosteiro de Oseira ou do Tribunal da Inquisición, depositados no Arquivo Histórico Nacional. O caso da Guerra Civil é moito menor, xa que ao estar Galicia no bando nacional desde o principio, non houbo traslado de documentos. Si se reclamarán tamén documentos da etapa preautonómica, depositados no Arquivo da Administración de Alcalá de Henares.
